السلام عليكم ورحمة الله: حصل خلاف بيني وبين زوجتي قبل ااكثر من شهر وهو في اخد الأيام اتصل بي والدي الساعة السابعة صباحا.
واخبرني ان اخو زوجته الي هي عمتي توفي في مدينة جده وانا في خميس ام شيط
ووالدي في قرية وطلب مني ان اوصله الى جدة فقلة ابشر حاضر الحين اجيك اخبرة زوجتي بالأمر وقلت تجهزي احتمال تجلسون في بيت الوالد ان احتاج الأمر وعادتا از رحنا عند الوالد تأخز معها فراش وغطاء للنوم
وصلنا عند الوالد وتركتها هناك هي والأولاد ولد عمرة 17وبنت عمرها14 وولدعمره 10 اولادي من زوجتي الأولى وهي لا تنجب عمتي عند امها وما في البيت الى الشغاله.
وهناك عامل في المزرعه اكله علينا مشيت انا والوالد وحسيت انها زعلانه كانت تبي تجلس عند اهلها رحنا وجينا في خلال 24ساعه
يعني رحنا صباح الجمعه الساعه 10 ورجعنا اليوم الثاني 11 وتغدينا معهم يوم رجعت كانت زعلانه مره وتقول ليه ما اتصلت قبت جوالي مفصول انت تركتنا وكلشي مقفل علية
ملقينا فراش ننام عليه وعصبت وسوتلي سالفه مارديت علبها كنت تعبان ومرهق رحت في احدى الغرف ابي ارتاح من السفر شوي كلمتني من خلف الباب تقول عطنا مفتاح السيار امي واختي بيروحو العزاء الي عند ال.....قلت لها لا وشعلينا من ال....
مالنا فيهم علاقه لا انحن ولا اهلك قالت الى بروح توديني والى اتصل على احد يجي يوديني قلت لهل لالا اصرت على موقفها وراحت مع ابن اختها زعلت قابلت اخوها الي هو وليها صدفه
اخبرته بالسالفه قال ما يصير ال خير وفي الليل ما رجعت تنازلت وقلت للولد اتصل على امك طبعا ولادي ما يقولو له الى يا امي وقله احنا بنمرك بنروح البيت رفضت وقالت لاحد يمرني ولا احد يجيني تركتها يومين ثم اتصلت على اخوها وقلت انا بجيك
رحت عنده وقابلتني بجفاء مديت يدي اسلم عليها خزرتني بعينها جتني امها وسلمت علي وراحت جاني اخوها واتكلمن في الموضوع وكنت زعلان وقال ليش تتركهم في البيت لوحدهم هي ملهي مكلفه بشغالت عمتك بيت في الخميس هاز ماهو بيتك انا زعلت اكثر
ورديت عليه وقلت اختك انا مريحها في الشرقية لها سنتين مرتاحه الشغاله هي الي قايمه بكل شي انا نقلت الخميس علشلنها وطيبة خاطرهاهي تنام في النهار وتسهر في اليل
واسأل اخواتك كلما اتصلو عليها لقوهانايمه مايسوي قهوتي الى بنتي مواعين المطبخ مركومه على المجلى حتى تجي البنت من المدرسه وتغسلهاانا مريحها.
ولا قلت لها قومي او اجلسي لو ماني مقدرها كان ماهنت كرامتي وجيت الى على شانهاهي سمعت هل الكلام وهات يا بكى وصياح ومحاليف
والله معد ارجع معه لو تقطعني تركتها ومشيت وبعد يومين طلبت من اخوي من امي انه يتدخل وفوضته في الي يبون ورفضت ترجع بعد اسبوع كلمت عديلي لوعرفتي بمكانته عندهم ورفضت بعد اسبوع كلمت عديلي الثاني لكونه رجل تقي وراح لقى خالها عندهم واشركه في الصلح وعطوها الى 20000الف ورفضت
معلومات: زوجتي لا تنجب ومريضه مرض نفسي من عام 29 وتستخدم حبوب وفادتها سيق لها الزواج من اثنين قبلي
وعليكم السلام ورحمة الله وبركاته.
حياك الله أخي الكريم وأهلا بك في موقعكم المستشار وشكرًا على على الثقة في الموقع والقائمين عليه.
أخي الكريم:
الخلافات في بيت الزوجية أمر موجود في كل بيت تختلف نسبته فقط من بيت لآخر.
الموقف حسب ما ذكرته أنت لا يحتمل كل هذا الزعل والعتاب.
أما وقد وصل الأمر إلى ما وصل إليه الآن وتدخل أكثر من طرف في المسألة ولم تفلح الشفاعة.
فاترك الأمر لوهلة من الوقت ولا تحدثهم أو تتصل بهم وليكن ذلك لثلاثة أسابيع أو أكثر إن أمكنك ذلك، حتى تكون كافية لهدوء الانفس.
بعدها اذهب إلى ولي وجتك وهو أخيها كما ذكرت واصطحب معك أكثر أهلك أو أهلها حكمة ووجاهة واجلسوا جميعًا جلسة صلح بحضور زوجتك.
اتركوا لها المجال لتعبر عن ضيقها وعما في نفسها حتى تفرغ وبعد أن تبوح لكل ما لديها اسألوها ماذا تريد.
إن كان ما تطلبه ممكنًا ومستطاعًا فلبوه لها لتعود إلى بيتها أما إن تبين أن ما تطلبه من باب التعجيز أو تبين أنها لا ترغب في العودة فلا زواج بالإكراه أو بالشفاعة وما وجد الانفصال إلا إذا عز الوصال.
فليذهب كل حي في طريقه وعسى الله أن يرزق كل منكما خيرًا مما فاته.
أسأل الله لك التوفيق والسداد.
الكاتب: د. عبدالله عبدالرحمن السبيعي
المصدر: موقع المستشار
